\startsong
\stitle{vo  aake Khwaab me.n taskiin-e-iztiraab to de}
\lyrics{Mirza Ghalib}
\singers{Mirza Ghalib}
\printtitle
#indian

vo aake Kvaab me.n taskiin-e-iztiraab to de
vale mujhe tapish-e-dil majaal-e-Kwaab to de

%[taskiin = satisfaction; iztiraab = anxiety; tapish = burn; majaal = strength]

kare hai qatl lagaavaT me.n teraa ro denaa
terii tarah koii teG-e-nigaah ko aab to de

%[teG = sword, aab = sharpen]

dikhaake jumbish-e-lab hii tamaam kar hamako
na de jo bosaa to muu.Nh se kahii.n javaab to de

%[jumbish = motion, bosaa = kiss]

pilaa de oak se saaqii jo hamase nafrat hai
pyaalaa gar nahii.n detaa na de, sharaab to de

%[oak = palm of the hand]

'Asad' Kushii se mere haath paa.Nv phuul gae
kahaa jo us ne zaraa mere paa.Nv daab to de

#endindian
\endsong