\startsong
\stitle{kii vafaa hamase to Gair use jafaa kahate hai.n}
\lyrics{Mirza Ghalib}
\singers{Mirza Ghalib}
\printtitle
#indian

kii vafaa hamase to Gair use jafaa kahate hai.n
hotii aa_ii hai ke achchho.n ko buraa kahate hai.n

aaj ham apanii pareshaanii-e-Kaatir un se
kahane jaate to hai.n, par dekhiye kyaa kahate hai.n

agale vaqto.n ke hai.n ye log, i.nhe.n kuchh na kaho
jo may-o-naGme.n ko a.ndoharuubaa kahate hai.n

%[a.ndoharuubaa = cure for pain or sorrow]

dil me.n aa jaa_e hai, hotii hai jo fursat Gash se
aur phir kaun se naale ko rasaa kahate hai.n?

%[Gash = senseless/in a faint; rasaa = with a long reach]

hai par-e-sarahad-e-idaraak se apanaa masjuud
qible ko, ahal-e-nazar, qiblaanumaa kahate hai.n

%[par-e-sarahad-e-idaraak = beyond the boundaries of knowledge]
%[masjuud = to whom one bows i.e. God]

paa-e-afagaar pe jab se tujhe raham aayaa hai
Kaar-e-raah ko tere ham mehr-e-giyaa kahate hai.n

%[paa-e-afagaar = wounded feet; Kaar-e-raah = thorn in the road]
%[mehr-e-giyaa = (blade of) grass of kindness]

ik sharar dil me.n hai, us se ko_ii ghabaraayegaa kyaa
aag mataluub hai hamako, jo havaa kahate hai.n

dekhiye laatii hai us shoK kii naKvat kyaa ra.ng
us kii har baat pe ham naam-e-Kudaa kahate hai.n

%[naKvat = pride]

vahashat-o-sheftaa ab marsiyaa kahave.n shaayad
mar gayaa "Ghalib"-e-aashuftaanavaa kahate hai.n

%[vahashat-o-sheftaa = two poets of that time; marsiyaa = eulogy/poem of sorrow]
%[aashuftaanavaa = one who speaks nonsense]

#endindian
\endsong