\startsong
\stitle{maanaa-e-dasht naavardii ko_ii tadabiir nahii.n}
\singers{Mirza Ghalib #83}
% Contributed by Sana
\printtitle
#indian

maanaa-e-dasht naavardii ko_ii tadabiir nahii.n
ek chakkar hai mere paao.n me.n za.njiir nahii.n

hasarat-e-lazzat-e-aazar rahii jaatii hai
jaadah-e-raah-e-vafaa juz dam-e-shamshiir nahii.n

ra.nj-e-naa-ummiidii-e-jaaved gavaaraa rahiyo
Kush huu.N gar naalaa zabuunii kash-e-taasiir nahii.n

sar khujaataa hai jahaa.N zaKm-e-sar achchaa ho jaye
lazzat-e-sa.ng baa-a.ndaazaa-e-taqariir nahii.n

jab karam ruKsat-e-bebaakii-o-gustaaKii de
ko_ii taqasiir ba-juz Kaslat-e-taqasiir nahii.n

"Ghalib" apanaa ye aqiidaa hai baqaul-e-naasiK
aap be-beharaa hai.n jo motaaqid-e-miir nahii.n

#endindian
\endsong