\startsong
\stitle{haq vafaa kaa jo ham jataane lage}
\singers{Altaf Husain Hali #5}
\printtitle
#indian

haq vafaa kaa jo ham jataane lage
aap kuchh kahake muskuraane lage

ham ko jiinaa pa.Degaa furqat me.n
vo agar himmat aazamaane lage

%[furqat = separation]

Dar hai merii zubaa.N na khul jaaye
ab vo baate.n bahut banaane lage

jaan bachatii nazar nahii.n aatii
Gair ulfat bahut jataane lage

tum ko karanaa pa.Degaa uzr-e-jafaa
ham agar dard-e-dil sunaane lage

%[uzr-e-jafaa = reason for being unfaithful]

bahut mushkil hai shevaa-e-tasliim
ham bhii aaKir ko jii churaane lage

%[shevaa-e-tasliim = style of greeting]

vaqt-e-ruKsat thaa saKt "Hali" par
ham bhii baiThe the jab vo jaane lage

%[vaqt-e-ruKsat = time of separation; saKt = difficult]

#endindian
\endsong