\startsong
\stitle{bhulaataa laakh huu.N lekin baraabar yaad aate hai.n}
\lyrics{Hasrat Mohani}
\singers{Hasrat Mohani}
\printtitle
#indian

bhulaataa laakh huu.N lekin baraabar yaad aate hai.n
ilaahii tark-e-ulfat par wo kyo.nkar yaad aate hai.n

na chhe.D ae ham-nashii.n kaifiat-e-sahabaa ke afsaane
sharaab-e-beKudii ke mujh ko saaGar yaad aate hai.n

rahaa karate hai.n qaid-e-hosh me.n ae wai naakaamii
wo dasht-e-Kud faraamoshii ke chakkar yaad aate hai.n

nahii.n aatii to yaad unakii mahiino.n bhar nahii.n aatii
magar jab yaad aate hai.n to aksar yaad aate hai.n

haqiiqat khul gaii 'Hasrat' tere tark-e-mohabbat kii
tujhe to ab wo pahale se bhii ba.D kar yaad aate hai.n

#endindian
\endsong