\startsong
\stitle{phir bhii hai tumako masihaa_ii kaa daavaa dekho}
\lyrics{Hasrat Mohani}
\singers{Hasrat Mohani}
% Contributed by ZoyaAK
\printtitle
#indian

phir bhii hai tumako masihaa_ii kaa daavaa dekho
mujhako dekho, mere marane kii tamannaa dekho

jurm-e-nazzaaraa pe kaun itanii Kushaamad karataa
ab vo ruuThe hai.n lo aur tamaashaa dekho

do hii din me.n vo baat hai  na vo chaah na pyaar
ham ne pahale hi ye tum se na kahaa thaa dekho

ham na kahate the banaavaT se hai saaraa Gussaa
ha.Ns ke lo phir vo u.nho.n ne  hame.n dekhaa dekho

mastii-e-husn se apanii bhii nahii.n tum ko Kabar
kyaa suno araz merii, haal meraa kyaa dekho

ghar se har vaqy nikal aate ho khole hue baal
shaam dekho na merii jaan saveraa dekho

Kaanaa-e-jaa.N me.n namudaar hai ek paikar-e-nuur
hasarato aao ruK-e-yaar kaa jalvaa dekho

saamane sab ke munaasin nahii.n ham par ye itaab
sar se Dhal jaae na Gusse me.n dupaTTaa dekho

mar miTe ham to kabhii yaad bhii tum ne na kiyaa
ab muhabbat kaa na karanaa kabhii daavaa dekho

dosto tark-e-muhabbat kii  nasiihat hai fazuul
aur na maano to dil-e-zaar ko samajhaa dekho

sar kahii.n baal kahii.n haath kahii.n paa.No kahii.n
us kaa sonaa bhii hai kis shaan kaa sonaa dekho

ab vo shoKii se ye kahate hai.n sitamagar jo hai.n ham
dil kisii aur se kuchh roz bahalaa dekho

havas-e-diid miTii hai na miTegii "Hasrat"
dekhane ke liye chaaho u.nhe.n jitanaa dekho

#endindian
\endsong