\startsong
\stitle{husn-e-beparavaah ko Khud_bib-o-Khudaaraa kar diyaa}
\lyrics{Hasrat Mohani}
\singers{Hasrat Mohani}
\printtitle
#indian

husn-e-beparavaah ko Kud_bib-o-Kudaaraa kar diyaa
kyaa kiyaa mai.n ne ki izahaar-e-tamannaa kar diyaa

ba.D gayii.n tumase to milakar aur bhii betaabiyaa.N
ham ye samajhe the ki ab dil ko shakebaa kar diyaa

pa.Dake teraa Kat mere dil kii ajab haalat huii
iztaraab-e-shauq ne ek hashr barpaa kar diyaa

ham rahe yaa.N tak terii khidmat me.n sargarm-e-nayaaz
tujhako aaKir aashanaa-e-naz-e-bejaa kar diyaa

ab nahii.n dil ko kisii suurat kisii pahaluu qaraar
is nighat-e-naaz ne kyaa sahir aisaa kar diyaa

ishq se tere ba.De kyaa kyaa dilo.n ke martabe
mahr zarro.n ko diyaa qatro.n ko dariyaa kar diyaa

terii mahafil se uThaataa Gair mujhako kyaa majaal
dekhataa thaa mai.n ki tuune bhii ishaaraa kar diyaa

sab Galat kahate the lutf-e-yaar ko wajah-e-sukuun
dard-e-dil is ne to 'Hasrat' aur duunaa kar diyaa

#endindian
\endsong