\startsong
\stitle{raushan jamaal-e-yaar se hai a.njuman tamaam}
\singers{Hasrat Mohani #5}
% Contributed by Padmanabhan Srinagesh
% Additions by Triparna Das
\printtitle
#indian

raushan jamaal-e-husn se hai a.njuman tamaam
dahakaa huaa hai aatish-e-gul se chaman tamaan

hairat guruur-e-husn se shoKii se iztaraab
dil ne bhii tere siikh liye hai.n chalan tamaam

allaah re husn-e-yaar kii Kuubii ke Kud-ba-Kud
ra.ngiiniyo.n me.n Duub gayaa pairahan tamaam

dekho to husn-e-yaar kii jaaduu nigaahiyaa.N
behosh ik nazar me.n hu_ii a.njuman tamaam

#endindian
\endsong