\startsong
\stitle{dayaar-e-nuur me.n teraa shabo.n kaa saathii ho}
\lyrics{Iftikhar Arif}
\singers{Iftikhar Arif}
\printtitle
#indian

dayaar-e-nuur me.n teraa shabo.n kaa saathii ho
koii to ho jo merii vahashato.n kaa saathii ho

mai.n us se jhuuTh bhii boluu.N to mujhase sach bole
mere mizaaj ke sab mausamo.n kaa saathii ho

vo mere naam kii nisbat se mo'atabar Thahare
galii galii merii rusvaaiiyo.n kaa saathii ho

%[mo'atabar = trustworthy]

mai.n us ke haath na aauu.N vo meraa hoke rahe
mai.n gir pa.Duu.N to merii pastiyo.n kaa saathii ho

vo khaab dekhe to dekhe mere havaale se
mere Kayaalo.n ke sab ma.nzaro.n kaa saathii ho

#endindian
\endsong