\startsong
\stitle{thakan to agale safar ke liye bahaanaa thaa}
\lyrics{Iftikhar Arif}
\singers{Iftikhar Arif}
\printtitle
#indian

thakan to agale safar ke liye bahaanaa thaa
use to yuu.N bhii kisii aur simt jaanaa thaa

vahii chiraaG bujhaa jisakii lau qayaamat thii
usii pe zarb pa.Dii jo shajar puraanaa thaa

%[zarb = injury; shajar = tree]

mataa-e-jaa.N kaa badal ek pal kii sar-shaarii
suluuk Kvaab kaa aa.Nkho.n se taaziraanaa thaa

%[sar-shaarii = intoxication; taaziraanaa = related to trade]

vahii firaaq kii baate.n vahii hikaayat-e-vasl
naii kitaab kaa ek ek varaq puraanaa thaa

%[hikaayat-e-vasl = tales of meetings]

qabaa-e-zard nigaar-e-Kizaa.N pe sajatii thii
tabhii to chaal kaa a.ndaaz Kusrovaanaa thaa

%[qabaa = long coat open in front; zard = yellow]
%[nigaar = beauty; Kizaa.N = autumn (here referring to desolation)]
%[Kusrovaanaa = like an emperor]

#endindian
\endsong