\startsong
\stitle{KaaTii hai Gam kii raat ba.De ehataraam se}
\lyrics{Ali Ahmed Jalili}
\singers{Ali Ahmed Jalili}
% Contributed by Fayaz Razvi
\printtitle
#indian

KaaTii hai Gam kii raat ba.De ehataraam se
aksar bujhaa liyaa hai charaaGo.n ko shaam se

raushan hai apanii bazm aur is ehatamaam se
kuchh dil bhii jal rahe hai.n charaaGo.n ke naam se

muddat  hu_ii hai Kuun-e-tamannaa kiye magar
ab tak Tapak rahaa hai lahuu dil ke jaam se

subah-e-bahaar hamako bulaatii rahii magar
ham khelate rahe kisii zulfo.n kii shaam se

har saa.Ns par hai maut kaa peharaa lagaa huaa
aahistaa ai hayaat guzar is maqaam se

kaaTii tamaam umr fareb-e-bahaar me.n
kaa.NTe sameTate rahe phuulo.n ke naam se

ye aur baat hai ke 'Ali' ham na sun sake
aavaz us ne dii hai hame.n har maqaam se

#endindian
\endsong