\startsong
\stitle{tabiiyat in dino.n begaanaa-e-Gam hotii jaatii hai}
\lyrics{Jigar Moradabadi}
\singers{Jigar Moradabadi}
\printtitle
#indian

tabiiyat in dino.n begaanaa-e-Gam hotii jaatii hai
mere hisse kii goyaa har Kushii kam hotiii jaatii hai

wahii hai shaahid-o-saaqii, magar dil bujhataa jaataa hai
wahii hai shammaa lekin roshanii kam hotii jaatii hai

qayaamat kya ye ae husn-e-do aalam hotii jaatii hai
ke mahafil to wahii hai, dil_kashii kam hotii jaatii hai

wahii maikhaana-o-sahabaa, wahii saaGar wahii shiishaa
magar aavaaz-e-noshaanosh maddham hotii jaatii hai

wahii hai zi.ndagii lekin 'Jigar' ye haal hai apanaa
ke jaise zi.ndagii se zi.ndagii kam hotii jaatii hai

#endindian
\endsong