\startsong
\stitle{ishq laamahaduud jab tak rahanumaa hotaa nahii.n}
\lyrics{Jigar Moradabadi}
\singers{Jigar Moradabadi}
\printtitle
#indian

ishq laamahaduud jab tak rahanumaa hotaa nahii.n
zi.ndagii se zi.ndagii kaa haq adaa hotaa nahii.n

isase ba.Dakar dost ko_ii duusaraa hota nahii.n
sab judaa ho jaaye.N lekin Gam judaa hotaa nahii.n

bekaaraan hotaa nahii.n be-i.ntehaa hotaa nahii.n
qatara jab tak ba.D ke qulazam aashnaa hotaa nahii.n

zi.ndagii ik haadasaa hai aur aisaa haadasaa
maut se bhii Katm jisakaa silasilaa hotaa nahii.n

dard se maamuur hotii jaa rahii hai qaayanaat
ik dil-e-insaa.N magar dard aashnaa hotaa nahii.n

is maqaam-e-qurb tak ab ishq pahu.Nchaa hai jahaa.N
diidaa-o-dil kaa bhii aksar vaastaa hotaa nahii.n

allaah allaah ye kamaal-e-irtabaat-e-husn-o-ishq
faasale ho.n laakh dil se dil judaa hotaa nahii.n

vaqt aataa hai ik aisaa bhii sar-e-bazm-e-jamaal
saamane hote hai.n vo aur saamanaa hotaa nahii.n

kyaa qayaamat hai ke is daur-e-taraqqii me.n "Jigar"
aadamii se aadamii kaa haq adaa hotaa nahii.n

#endindian
\endsong