\startsong \stitle{agar na zoharaa jabiino.n ke daramiya.N guzare} \singers{Jigar Moradabadi #12} \printtitle #indian agar na zoharaa jabiino.n ke daramiyaa.N guzare to phir ye kaise kaTe zi.ndagii kahaa.N guzare jo tere aariz-o-gesuu ke daramiyaa.N guzare kabhii kabhii to vo lamhe.n balaa-e-jaa.N guzare mujhe ye vaham rahaa muddato.n ke jurrat-e-shauq kahii.n naa Kaatir-e-maasuum par giraa.N guzare har ik muqaam-e-mohabbat bahut hii dil-kash thaa magar ham ahal-e-mohabbat kashaa.N-kashaa.N guzare junuu.N ke saKt maraahil bhii terii yaad ke saath hasii.n hasii.n nazar aaye javaa.N javaa.N guzare merii nazar se terii justajuu ke sadaqe me.n ye ik jahaa.N hii nahii.n saika.Do.n jahaa.N guzare hajuum-e-jalvaa me.n paravaaz-e-shauq kyaa kahanaa ke jaise ruuh sitaaro.n ke daramiyaa.N guzare Kataa mu'aaf zamaane se badagumaa.N hokar terii vafaa pe bhii kyaa kyaa hame.n gumaa.N guzare Kuluus jis me.n ho shaamil vo daur-e-ishq-o-havas naaraigaa.N kabhii guzaraa na raigaa.N guzare isii ko kahate hai.n jannat isii ko dozaK bhii vo zi.ndagii jo hasiino.n ke daramiyaa.N guzare bahut hasii.n sahii suhabate.n gulo.n kii magar vo zi.ndagii hai jo kaa.NTo.n ke daramiyaa.N guzare mujhe thaa shikvaa-e-hijraa.N ki ye huaa mahasuus mere qariib se hokar vo naagahaa.N guzare bahut hasii.n manaazir bhii husn-e-fitarat ke na jaane aaj tabiiyat pe kyo.n giraa.N guzare meraa to farz chaman-ba.ndii-e-jahaa.N hai faqat merii balaa se bahaar aaye yaa Kizaa.N guzare kahaa.N kaa husn ki Kud ishq ko Kabar na hu_ii rah-e-talab me.n kuchh aise bhii imtahaa.N guzare bharii bahaar me.n taaraajii-e-chaman mat puuchh Kudaa kare na phir aa.Nkho.n se vo samaa.N guzare ko_ii na dekh sakaa jin ko do dilo.n ke sivaa mu'aamalaat kuchh aise bhii daramiyaa.N guzare kabhii kabhii to isii ek musht-e-Kaak ke gird tavaaf karate huye haft aasmaa.N guzare bahut aziiz hai mujh ko u.nhii.n kii yaad "Jigar" vo haadasaat-e-mohabbat jo naagahaa.N guzare #endindian \endsong