\startsong
\stitle{hamako miTaa sake ye zamaane me.n dam nahii.n}
\singers{Jigar Moradabadi #13}
\printtitle
#indian

hamako miTaa sake ye zamaane me.n dam nahii.n
hamase zamaanaa Kud hai zamaane se ham nahii.n

befaayadaa alam nahii.n, bekaar Gam nahii.n
taufiiq de Kudaa to ye ne'amat bhii kam nahii.n

%[alam = sorrow; taufiiq = divine strength; ne'amat = divine blessing]

merii zubaa.N pe shikavaa-e-ahl-e-sitam nahii.n
mujhako jagaa diyaa yahii ehasaan kam nahii.n

yaa rab! hujuum-e-dard ko de aur vus'ate.n
daaman to kyaa abhii merii aa.Nkhe.n bhii nam nahii.n

%[vus'ate.n = spread out]

zaahid kuchh aur ho na ho maiKaane me.n magar
kyaa kam ye hai ki shikavaa-e-dair-o-haram nahii.n

shikavaa to ek chhe.D hai lekin haqiiqatan
teraa sitam bhii terii inaayat se kam nahii.n

marg-e-Jigar pe kyo.n terii aa.Nkhe.n hai.n ashk-rez
ik saanihaa sahii magar itanii aham nahii.n

%[saanihaa = incident; aham = important]

#endindian
\endsong