\startsong
\stitle{tamaan umr azaabo.n kaa silasilaa to rahaa}
\lyrics{Jan Nissar Akhtar}
\singers{Jan Nissar Akhtar}
\printtitle
#indian

tamaan umr azaabo.n kaa silasilaa to rahaa
ye kam nahii.n hame.n jiine kaa hausalaa to rahaa

guzar hii aae kisii tarah tere diivaane
qadam qaadam pe koii saKt marhalaa to rahaa

chalo na ishq hii jiitaa na aql haar sakii
tamaam vaqt maze kaa muqaabalaa to rahaa

mai.n terii zaat me.n gum ho sakaa na tuu mujh me.n
bahut qariib the ham phir bhii faasalaa to rahaa

ye aur baat ki har chhe.D laa_ubaalii thii
terii nazar kaa dilo.n se mu_aamalaa to rahaa

%[laa_ubaalii = without enthusiasm]

bahut hasii.n sahii wazae-ehatiyaat terii
merii havas ko tere pyaar se gilaa to rahaa

#endindian
\endsong