\startsong
\stitle{Khaamoshii kaa samaa.N hai aur mai.n huu.N}
\singers{Josh Malihabadi #10}
\printtitle
#indian

Kaamoshii kaa samaa.N hai aur mai.n huu.N
dayaar-e-Kuftagaa.N hai aur mai.n huu.N

%[dayaar-e-Kuftagaa.N = world of sleeping people]

kabhii Kud ko bhii i.nsaa.N kaash samajhe
ye sa_ii-e-raayagaa.N hai aur mai.n huu.N

%[sa_ii-e-raayagaa.N = futile attempt]

kahuu.N kis se ki is jamahuuriyat me.n
hujuum-e-Kasaravaa.N hai aur mai.n huu.N

%[hujuum-e-Kasaravaa.N = mob of kings]

pa.Daa huu.N is taraf dhuunii ramaaye
ataab-e-rah-ravaa.N hai aur mai.n huu.N

%[ataab-e-rah-ravaa.N = wayfarers' wrath]

kahaa.N hai ham-zabaa.N allaah jaane
faqat merii zabaa.N hai aur mai.n huu.N

%[faqat = merely]

Kaamoshii hai zamii.n se aasmaa.N tak
kisii kii daastaa.N hai aur mai.n huu.N

qayaamat hai Kud apane aashiyaa.N me.n
talaash-e-aashiyaa.N hai aur mai.n huu.N

jahaa.N ek jurm hai yaad-e-bahaaraa.N
vo laafaanii Kizaa.N hai aur mai.n huu.N

%[laafaanii Kizaa.N = eternal autumn]

tarasatii hai.n Kariidaaro.n kii aa.Nkhe.n
javaahir kii dukaa.N hai aur mai.n huu.N

%[javaahir = jeweller]

nahii.n aatii ab aavaaz-e-jaras bhii
Gubaar-e-kaaravaa.N hai aur mai.n huu.N

%[aavaaz-e-jaras = sound of bells]
%[Gubaar-e-kaaravaa.N = dust left behind by a caravan]

ma'al-e-ba.ndagii ai "Josh" taubaa
Kudaa-e-meharabaa.N hai aur mai.n huu.N

%[ma'al-e-ba.ndagii = fruits of one's worship]

#endindian
\endsong