\startsong
\stitle{Ibaadat}
\singers{Josh Malihabadi #12}
\printtitle
#indian

ibaadat karate hai.n jo log jannat kii tamannaa me.n
ibaadat to nahii.n hai ik tarah kii vo tijaarat hai

%[ibaadat = prayer; jannat = heaven; tijaarat = trade]

jo Dar ke naar-e-dozaK se Kudaa kaa naam lete hai.n
ibaadat kyaa vo Kaalii buzadilaanaa ek Kidamat hai

%[naar-e-dozaK = fires of hell; buzadilaanaa = cowardly; Kidamat = service]

magar jab shukr-e-ne'mat me.n jabii.n jhukatii hai bande kii
vo sachchii bandagii hai ik shariifaanaa ita'at hai

%[shukr-e-ne'mat = thanks for blessings; jabii.n = forehead; ita'at = submission]

kuchal de hasarato.n ko beniyaaz-e-mudd'a ho jaa
Kudii ko jhaa.D de daaman se mard-e-baaKudaa ho jaa

%[beniyaaz-e-mudd'a = oblivious of one's goals; Kudii = self/ego]
%[mard-e-baaaKuda = man/servant of God]

uThaa letii hai.n lahare.n tahanashii.n hotaa hai jab ko_ii
ubharanaa hai to Garq-e-bahr-e-fanaa ho jaa

%[tahanashii.n = submerged; Garq-e-bahr-e-fanaa = drowned in the waves of the sea of mortality]

#endindian
\endsong