\startsong
\stitle{go zaraa sii baat par baraso.n ke yaaraane gae}
\singers{Khatir Gaznavi}
\printtitle
#indian

go zaraa sii baat par baraso.n ke yaaraane gae
lekin itanaa to huaa kuchh log pahachaane gae

garmii-e-mahafil faqat ik naaraa-e-mastaanaa hai
aur vo Kush hai.n ki is lahafil se diivaane gaye

mai.n ise shoharat kahuu.N yaa apanii rusvaaii kahuu.N
mujhase pahale us galii me.n mere afasaane gae

yuu.N to vo merii rag-e-jaa.N se bhii the nazadiik tar
aa.Nsuuo.n kii dhu.Ndh me.n lekin na pahachaane gae

vahashate.n kuchh is tarah apanaa muqadaar ho gaii.n
ham jahaa.N pahu.Nche hamaare saath viiraane gae

ab bhii un yaado.n kii Kushbuu zehan me.n mahafuus hai
baarahaa ham jin se gulazaaro.n ko mahakaane gaye

kyaa qayaamat hai ki 'Katir' kushtaa-e-shab bhii the ham
sub_h jab huii to mujarim ham hii gardaane gae

#endindian
\endsong