\startsong
\stitle{mujhako shikast-e-dil kaa mazaa yaad aa gayaa}
\lyrics{Khumar Barabanqvi}
\singers{Khumar Barabanqvi}
% Contributed by Fayaz Razvi
\printtitle
#indian

mujhako shikast-e-dil kaa mazaa yaad aa gayaa
tum kyo.n udaas ho kyaa yaad aa gayaa

kahane ko zi.ndagii thii bahut muKtasar magar
kuchh yuu.N basar huii ke Kudaa yaad aa gayaa

vaa_iz salaam le ke chalaa maikade ko mai.n
firdaus-e-gum_shudaa kaa pataa yaad aa gaya

barase baGair hii jo ghaTaa ghir ke khul gaii
ek bevafaa kaa ahd-e-vafaa yaad aa gayaa

maa.Nge.nge ab duaa ke use bhuul jaae.n ham
lekin jo vo bevaqt-e-duaa yaad aa gayaa

hairat hai tum ko dekh ke masjid me.n ai "Kumar"
kyaa baat ho gaii jo Kudaa yaad aa gayaa

#endindian
\endsong