\startsong
\stitle{duniyaa me.n kaun kaun na yak baar ho gayaa}
\singers{Khwaja Mir Dard #3}
\printtitle
#indian

duniyaa me.n kaun kaun na yak baar ho gayaa
par muu.Nh phir is tarf na kiyaa us ne jo gayaa

phiratii hai merii khaak sabaa dar-ba-dar liye
aye chashm-e-ashkabaar ye kyaa tujh ko ho gayaa

aagaah is jahaa.N me.n nahiii.n Gair be Kudaa.N
jaagaa wahii idhar se jo muu.Nd aa.Nkh so gayaa

tuufaan-e-noah ne to Dubaaii zamiin faqat
mai.n nang-e-khalq saarii Kudaaii Dubo gayaa

baraham kahii.n na ho gul-o-bulbul kii aashatii
Darataa huu.N aaj baaG me.n wo tu.nd khuu gayaa

waaiz kise daraawe hai yom-ulhisaab se
giriyaa.N meraa to naamaa-e-aamal dho gaya

phule.nge is zabaa.N me.n bhii gulzar-e-maarafat
yaa.N mai.n zamiin-e-sher me.n ye tukhm bo gayaa

aaya na aitadaal par haragiz mazaaj-e-dahar
mai.n garche garm-o-sard-e-zamaanaa samo gaya

aye "Dard" jis kii aa.Nkh khulii is jahaa.N me.n
shabanam kii tarah jaan ko apanii wo ro gayaa

#endindian
\endsong