\startsong
\stitle{junuun-e-shauq ab bhii kam nahii.n hai}
\lyrics{Majaz}
\singers{Majaz}
\printtitle
#indian

junuun-e-shauq ab bhii kam nahii.n hai
magar vo aaj bhii baraham nahii.n hai

bahut mushkil hai duniyaa kaa sa.Nvaranaa
terii zulfo.n ko pech-o-Kam nahii.n hai

bahut kuchh aur bhii hai jahaa.N me.n
ye duniyaa mahaz Gam hii Gam nahii.n hai

merii barabaadiyo.n ke hamanashino.n
tmhe.n kyaa Kud mujhe bhii Gam nahii.n hai

abhii bazm-e-tarab se kyaa uThuu.N mai.n
abhii to aa.Nkh bhii puranam nahii.n hai

"Majaz" ek baadaakash to hai yaqiinan
jo ham sunate the vo aalam nahii.n hai

#endindian
\endsong