\startsong
\stitle{kuchh tujhako Khabar hai ham kyaa kyaa ai shorish-e-dauraa.N bhuul gaye}
\singers{Majaz}
\printtitle
#indian

kuchh tujhako Kabar hai ham kyaa kyaa ai shorish-e-dauraa.N bhuul gaye
vo zulf-e-pareshaa.N bhuul gaye vo diidaa-e-giriiyaa bhuul gaye

ai shauq-e-nazaaraa kyaa kahiye nazaro.n me.n ko_ii suurat hii nahii.n
ai zauq-e-tasavvur kyaa kahiye ham suurat-e-jaanaa.N bhuul gaye

ab gul se nazar milatii hii nahii.n ab dil kii kalii khilatii hii nahii.n
ai fasl-e-bahaaraa.N ruKasat ho, ham lutf-e-bahaaraa.N bhuul gaye

sab ko to madaavaa kar Daalaa apanaa hii madaavaa kar na sake
sab ke girebaa.N sii Daale apanaa hii girebaa.N bhuul gaye

ye apanii vafaa kaa aalaam hai ab un kii jafaa ko kyaa kahiye
ek nashtar-e-zahar-e-aagaahii rakh kar nazdiik-e-rag-e-jaa.N bhuul gaye

#endindian
\endsong