\startsong
\stitle{Ta'arruf}
\singers{Majaz #12}
\printtitle
#indian

Kuub pahachaan lo "Asrar" huu.N mai.n
jins-e-ulfat kaa talab-gaar huu.N mai.n

ishq hii ishq hai duniyaa merii
fitanaa-e-aql se bezaar huu.N mai.n

chhe.Datii hai jise mizaraab-e-alam
saaz-e-fitarat kaa vahii taar huu.N mai.n

aib jo haafiz-o-Kayyaam me.n thaa
haa.N kuchh is kaa bhii gunahagaar huu.N mai.n

zi.ndagii kyaa hai gunaah-e-aadam
zi.ndagii hai to gunahagaar huu.N mai.n

merii baato.n me.n masiihaa_ii hai
log kahate hai.n ki biimaar huu.N mai.n

ek lapakataa huaa sholaa huu.N mai.n
ek chalatii hu_ii talavaar huu.N mai.n

#endindian
\endsong