\startsong
\stitle{ham hai.n mataa-e-kuuchaa-o-bazaar kii tarah}
\lyrics{Majrooh Sultanpuri}
\singers{Majrooh Sultanpuri}
\printtitle
#indian

ham hai.n mataa-e-kuuchaa-o-baazaar kii tarah
uThatii hai har nigaah Kariidaar kii tarah

is kuu-e-tishnagii me.n bahut hai ke ek jaam
haath aa gayaa hai daulat-e-bedaar kii tarah

vo to hai.n kahii.n aur magar dil ke aas paas
phiratii hai koii shay nigaah-e-yaar kii tarah

siidhii hai raah-e-shauq pa yuu.N hii kabhii kabhii
Kam ho gaii hai gesuu-e-diladaar kii tarah

ab jaa ke kuch khulaa hunar-e-naakhuun-e-junuun
zaKm-e-jigar hue lab-o-ruKsaar kii tarah

'Majrooh' likh rahe hai.n vo ahal-e-vafaa kaa naam
ham bhii kha.De hue hai.n gunahagaar kii tarah

#endindian
\endsong