\startsong
\stitle{Khatm-e-shor-e-tuufaa.N thaa duur thii siyaahii bhii}
\lyrics{Majrooh Sultanpuri}
\singers{Majrooh Sultanpuri}
\printtitle
#indian

Katm-e-shor-e-tuufaa.N thaa duur thii siyaahii bhii
dam ke dam me.n afasaanaa thii merii tabaahii bhii

iltafaat samajhuu.N yaa beruKii kahuu.N is ko
rah gaii Kalish ban kar usakii kamanigaahii bhii

yaad kar vo din jis din terii saKtgiirii par
ashk bhar ke uThii thii merii begunaahii bhii

shama bhii ujaalaa bhii mai.n hii apanii mahafil kaa
mai.n hii apanii ma.nzil kaa raahabar bhii raahii bhii

gumbado.n se palaTii hai apanii hii sadaa "Majrooh"
masjido.n me.n kii jaake mai.n ne  daadaKvaahii bhii

#endindian
\endsong