\startsong
\stitle{ye tajarubaa bhii karuu.N ye bhii kar dikhalaauu.N mai.n}
\singers{Mazhar Imam #2}
\printtitle
#indian

ye tajarubaa bhii karuu.N ye bhii kar dikhalaauu.N mai.n
ki Kud ko yaad rakhuu.N us ko bhuul jaauu.N mai.n

%[tajarubaa = experiment]

fareb-e-kaar me.n kuchh to hai ko_ii baat to hai
ki jaan buujh ke itane fareb khaauu.N mai.n

%[fareb-e-kaar = one who betrays]

vo pal kahaa.N hai.n jo duniyaa se jo.Dataa thaa mujhe
jo paauu.N tujh ko to sab ke qariib aauu.N mai.n

kabhii to ho mere ehasaas-kam-tarii me.n kamii
kabhii to ho ki use khul ke aauu.N mai.n

vo shaKs hai ki nasiim-e-sahar kaa jho.Nkaa hai
bikhar hii jaauu.N jo us ko gale lagaauu.N mai.n

%[nasiim-e-sahar = morning wind]

azaa.N ke baad duaa ko jo haath uThaaye vo
"Imam" apanii namaaze.n bhii bhuul jaauu.N mai.n

%[azaa.N = call for prayer]

#endindian
\endsong