\startsong
\stitle{ulaTii ho gaii.n sab tadabiire.n, kuchh na davaa ne kaam kiyaa}
\lyrics{Meer Taqi Meer}
\singers{Meer Taqi Meer}
\printtitle
#indian

ulaTii ho gaii.n sab tadabiiren, kuchh na davaa ne kaam kiyaa
dekhaa is biimaarii-e-dil ne aaKir kaam tamaam kiyaa

ahd-e-javaanii ro-ro kaaTaa, piirii me.n lii.n aa.Nkhe.n muu.Nd
yaani raat bahot the jaage subah huii aaraam kiyaa

%[piirii = old age]

naahaq ham majabuuro.n par tohamat hai muKtaarii kii
chaahate hai.n so aap kare hai.n, hamako abas badanaam kiyaa

%[naahaq = unnecessarily; tohmat = slander/accusation; abas = idle/useless]

sarazad ham se be-adabii to wahashat me.n bhii kam hii huii
koso.n us kii or gae par sajdaa har har gaam kiyaa

%[sarazad = to do]

aise aaho-eharam-Kurdaa kii wahashat khonii mushkil thii
sihar kiyaa, ijaaz kiyaa, jin logo.n ne tujh ko raam kiyaa

yaa.N ke saped-o-syaah me.n hamako daKal jo hai so itanaa hai
raat ko ro-ro subah kiyaa, din ko jyo.n-tyo.n shaam kiyaa

'Mir' ke diin-o-mazahab ko ab puuchhate kyaa ho un ne to
qashqaa khii.nchaa, dair me.n baiThaa, kab kaa tark islaam kiyaa

#endindian
\endsong