\startsong
\stitle{ibtidaa-e-ishq hai rotaa hai kyaa}
\lyrics{Meer Taqi Meer}
\singers{Meer Taqi Meer}
\printtitle
#indian

ibtidaa-e-ishq hai rotaa hai kyaa
aage aage dekhiye hotaa hai kyaa

%[ibtidaa-e-ishq = beginning of love]

qaafile me.n subah ke ik shor hai
yaani Gaafil ham chale sotaa hai kyaa

%[qaafilaa = caravan; Gaafil = one who is careless/ignorant]

sabz hotii hii nahii.n ye sar-zamii.n
tuKm-e-Kvaahish dil me.n tuu botaa hai kyaa

%[tuKm-e-Kvaahish = seeds of desire]

ye nishaan-e-ishq hai.n jaate nahii.n
daaG chhaatii ke abas dhotaa hai kyaa

Gairat-e-yusuf hai ye waqt-e-aziiz
'Meer' is ko raegaa.N khotaa hai kyaa

%[Gairat-e-yusuf = yusuf's honour; aziiz = dear]

#endindian
\endsong