\startsong
\stitle{aa.Nkho.n me.n jii meraa hai idhar yaar dekhanaa}
\lyrics{Meer Taqi Meer}
\singers{Meer Taqi Meer}
\printtitle
#indian

aa.Nkho.n me.n jii meraa hai idhar yaar dekhanaa
aashiq kaa apane aaKarii diidaar dekhanaa

kaisaa chaman ke ham se asiiro.n ko manaa hai
chaak-e-qafas se baaG kii diivaar dekhanaa

aa.Nkhe.n churaaiio na Tuk abr-e-bahaar se
merii taraf bhii diidah-e-Kuu.N_baar dekhanaa

ae ham-safar na aable ko pahu.Nche chashm-e-tar
lagaa hai mere paao.n me.n aa Kaar dekhanaa

honaa na chaar chashm dik uss zulm-paishaah se
hoshiyaar ziinhaar Kabardaar  dekhanaa

sayyad dil hai daaG-e-judaaii se rashk-e-baaG
tujh ko bhii ho nasiib ye gulazaar dekhanaa

gar zam_zamaa yahii hai koii din to ham-safiir
is fasl hii me.n ham ko giriftaar dekhanaa

bul-bul hamaare gul pe na gustaaK kar nazar
ho jaaegaa gale kaa kahii.n haar dekhanaa

shaayad hamaarii Kaak se kuchh ho bhii ae nasiim
Girbaal kar ke kuuchaa-e-dildaar dekhanaa

us Kush-nigaah ke ishq se parahez kiijio 'Meer'
jaataa hai leke jii hii ye aazaar dekhanaa

#endindian
\endsong