\startsong
\stitle{mahar kii tujhase tavaqqo thii  sitamagar nikalaa}
\lyrics{Meer Taqi Meer}
\singers{Meer Taqi Meer}
\printtitle
#indian

mahar kii tujhase tavaqqo thii sitamagar nikalaa
mom samajahe the tere dil ko so paththar nikalaa

daaG huu.N rashk-e-mohabbat se ke itanaa betaab
kis kii taskii.n ke liye ghar se tuu baahar nikalaa

jiite jii aah tere kuuche se koii na phiraa
jo sitamadiidaa rahaa jaake so mar kar nikalaa

dil kii aabaadii ki is had hai Karaabii ke na puuchh
jaanaa jaataa hai ki is raah se lashkar nikalaa

ashk-e-tar, qataraa-e-Kuun, laKt-e-jigar, paaraa-e-dil
ek se ek aduu aa.Nkh se bahatar nikalaa

ham ne jaanaa thaa likhegaa tuu koii harf ae 'Meer'
par teraa naamaa to ek shauq kaa daftar nikalaa

#endindian
\endsong