\startsong
\stitle{aarazuue.n hazaar rakhate hai.n}
\singers{Meer Taqi Meer #47}
\printtitle
#indian

aarazuue.n hazaar rakhate hai.n
to bhii ham dil ko maar rakhate hai.n

barq kam hausalaa hai ham bhii to
dil ek beqaraar rakhate hai.n

Gair hai muuraad-e-inaayat haa_e
ham bhii to tum se pyaar rakhate hai.n

na nigaah na payaam na vaadaa
naam ko ham bhii yaar rakhate hai.n

ham se Kush zam-zamaa kahaa.N yuu.N to
lab-o-lahajaa hazaar rakhate hai.n

chhoTe dil ke hai.n butaa.N mashhuur
bas yahii aitabaar rakhate hai.n

phir bhii karate hai.n "Meer" saahib ishq
hai.n javaa.N iKtiyaar rakhate hai.n

#endindian
\endsong