\startsong
\stitle{Tuur}
yahii.n kheto.n me.n paanii ke kiinare yaad hai ab bhii   
\lyrics{Makhdoom Moinuddin}
\singers{Makhdoom Moinuddin}
\printtitle
#indian

yahii.n kii thii mohabbat ke sabaq kii ibtadaa mai.n ne
yahii.n kii jurrat-e-izhaar-e-harf-e-mudd'a mai.n ne
yahii.n dekhe the ishv-e-naaz-o-a.ndaaz-e-haya mai.n ne
yahii.n pahale sunii thii dil dha.Dakane kii sadaa mai.n ne

yahii.n kheto.n me.n paanii ke kiinare yaad hai ab bhii

dilo.n me.n izdaham-e-aarazuu lab ba.nd rahate the
nazar se guftaguu hotii thii dam ulfat kaa bharate the
na maathe par shikan hotii, na jab tevar badalate the
Kudaa bhii muskuraa detaa thaa jab ham pyaar karate the

yahii.n kheto.n me.n paanii ke kiinare yaad hai ab bhii

wo kyaa aataa ke goyaa daur me.n jaam-e-sharaab aataa
wo kyaa aataa ra.ngilii raaganii ra.ngii.n rabaab aataa
mujhe ra.ngiiniyo.n me.n ra.ngane wo ra.ngii.n sahaab aataa
labo.n kii mai pilaane jhuumataa mast-e-shabaab aataa

yahii.n kheto.n me.n paanii ke kiinaro yaad hai ab bhii

hayaa ke bojh se jab har qadam par laGazishe.n hotii.n
fazaa.N me.n mu.ntasar ra.ngii.n badan kii larazishe.n hotii.n
rabaab-e-dil ke taaro.n me.n musalasil jumbishe.n hotii.n
Kifaa-e-raaz kii pur_lutf baham koshishe.n hotii.n

yahii.n kheto.n me.n paanii ke kiinare yaad hai ab bhii

balaa-e-fikr-e-fardaa hamase koso.n duur hotii thii
suruur-e-sarmadii se zi.ndagii maamuur hotii thii
hamaarii Kilwat-e-masuum rashq-e-tuur hotii thii
malak jhuulaa jhulaate the Gazal-Kwaa.N huur hotii thii

yahii.n kheto.n me.n paanii ke kiinare yaad hai ab bhii

na ab wo khet baaqii hai.n na wo aab-e-rawaa.N baaqii
magar us aish-e-raftaa kaa hai ik dhu.ndalaa nishaa.N baaqii

#endindian
\endsong