\startsong
\stitle{us simt mujh ko yaar ne jaane nahii.n diyaa}
\singers{Munir Niazi #10}
\printtitle
#indian

us simt mujh ko yaar ne jaane nahii.n diyaa
ek aur shahar-e-yaar me.n aane nahii.n diyaa

kuchh aur vaqt chaahate the ki soche.n tere liye
tuune vo vaqt ham ko zamaane nahii.n diyaa

ma.nzil hai is mahak kii kahaa.N kis chaman me.n hai
is kaa pataa safar me.n havaa ne nahii.n diyaa

rokaa anaa ne kaavish-e-besud se mujhe
us but ko apanaa haal sunaane nahii.n diyaa

hai jis ke baad ahad-e-zavaal-aashnaa "Munir"
itanaa kamaal ham ko Kudaa ne nahii.n diyaa

#endindian
\endsong