\startsong
\stitle{shab-e-Gam-e-furqat hame.n kyaa kyaa maze dikhalaae thaa}
\lyrics{Momin Khan Momin}
\singers{Momin Khan Momin}
\printtitle
#indian

shab-e-Gam-e-furqat hame.n kyaa kyaa maze dikhalaae thaa
dam ruke thaa siine me.n kambaKt jii ghabaraae thaa

bal be ayyaarii aduu ke aage vo paimaan shikan
vaadaa-e-vasl phir karataa thaa aur sharmaae thaa

sun ke merii marg bole mar gayaa achchhaa huaa
kyaa buraa lagtaa thaa jis dam saamane aa jaae thaa

baat shab ko usake manaa-e-beqaraarii se ba.Dii
ham to samajhe aur kuchh vo aur kuchh samajhaae thaa

koii din to usape kyaa tasviir kaa aalam rahaa
har koii hairat kaa putalaa dekh kar ban jaae thaa

suu-e-saharaa le chale us kuu se merii naash haae
thaa yahii dar in dino.n talvaa meraa khujalaae thaa

ho gaii do roz kii ulfat me.n kyaa haalat abhii
Momin-e-vahashii ko dekhaa is taraf se jaae thaa

#endindian
\endsong