\startsong
\stitle{naavak a.ndaaz jidhar diidaa-e-jaanaa.N ho.nge}
\singers{Momin #8}
% Contributed by Roshan Kamath
\printtitle
#indian

naavak a.ndaaz jidhar diidaa-e-jaanaa.N ho.nge
niim-bismil ka_ii ho.nge ka_ii bejaa.N ho.nge

taab-e-nazaaraa nahii.n aa_iinaa kyaa dekhane duu.N
aur ban jaaye.nge tasviir jo hairaa.N ho.nge

tuu kahaa.N jaayegii kuchh apanaa Thikaanaa kar le
ham to kal Kvaab-e-adam me.n shab-e-hijaraa.N ho.nge

phir bahaar aa_ii vahii dasht-e-naavardii hogii
phir vahii paao.n vahii Kaar-e-muGelaa.N ho.nge

naasihaa dil me.n tuu itanaa to samajh apane ke ham
laakh naadaa.N huye kyaa tujh se bhii naadaa.N ho.nge

ek ham hai.n ke huye aise pashemaa.N ke bas
ek vo hai.n ke ji.nhe.n chaah ke armaa.N ho.nge

minnat-e-hazarat-e-isaa na uThaaye.Nge kabhii
zi.ndagii ke liye sharmi.ndaa-e-ehasaa.N ho.nge

umr to saarii kaTii ishq-e-butaa.N me.n "Momin"
ab aaKirii vaqt me.n kyaa Kaak musalamaa.N ho.nge

#endindian
\endsong