\startsong
\stitle{Khushiyaa.N hamaarii sar-e-daar tak gayii.n}
\lyrics{Mumtaz Mirza}
\singers{Mumtaz Mirza}
% Contributed by Fayaz Razvi
\printtitle
#indian

Kushiyaa.N hamaarii sar-e-daar tak gayii.n
rusvaaiiyaa.N bhii kuuchaa-o-baazaar tak gayii.n

tanhaaiiyo.n ne faasale saare miTaa diye
parachhaaiiyaa.N merii terii diivaar tak gayii.n

vo ehataraam-e-Gam thaa ke lab tak naa hil sake
nazare.n uThii.n to sar-e-hadd-e-guftaar tak gayii.n

tum ne jalaayaa meraa nasheman to Gam nahii.n
chi.ngaariyaa.N u.Dii.n gul-o-gulazaar tak gayii.n

Garqaab hone vaalo.n ko kuchh to milii madad
saahil se kuchh sadaae.n majhadhaar tak gayii.n

#endindian
\endsong