\startsong
\stitle{zaKhme tanhaaii me.n Khushbuu-e-hinaa kisakii thii}
\lyrics{Muzaffar Warsi}
\singers{Muzaffar Warsi}
% Contributed by: Yogesh Sethi
\printtitle
#indian

zaKme tanhaaii me.n Kushbuu-e-hinaa kisakii thii
saayaa diivaar pe meraa thaa sadaa kisakii thii

aa.Nsuo.n se kahii.n bhar gayaa daaman meraa
haath to mai.n ne uThaae the duaa kisakii thii

merii aaho.n kii zabaa.n koii samajhataa kaise
zi.ndagii itanii dukhii mere sivaa kisakii thii

chho.D dii kis ke liye tuu ne "Muzaffar" duniyaa
justjuu sii tujhe har vaqt bataa kisakii thii

#endindian
\endsong