\startsong
\stitle{ra.ngat terii zulfo.n kii ghaTaao.n ne churaaii}
\singers{Naseem Akhtar}
\printtitle
#indian

ra.ngat terii zulfo.n kii ghaTaao.n ne churaaii
Kushbuu tere aa.Nchal se havaao.n ne u.Daaii

paimaane kaa dil TuuT na jaae to kahuu.N mai.n
hai chiiz Gazab kii jo nigaaho.n ne pilaaii

qaidii terii zulfo.n kaa hai aazaad jahaa.N se
mujh ko ye rihaaii to sazaao.n ne dilaaii

maanaa kii bahaaro.n ne khilaayaa hai gulo.n ko
ulfat kii kalii dil me.n vafaao.n ne khilaaii

tham-tham ke barasanaa kabhii jham-jham ke barasanaa
saavan ko adaa ye mere ashko.n ne sikhaaii

ma.nzil pe pahu.nch kar 'nasiim' ehasaas huaa hai
jis raah se pahu.nchaa ye Kataao.n ne dikhaaii

#endindian
\endsong