\startsong
\stitle{dil ke seharaa me.n ko_ii aas kaa juganuu bhii nahii.n}
\singers{Noor Bijnauri}
\printtitle
#indian

dil ke seharaa me.n ko_ii aas kaa juganuu bhii nahii.n
itanaa royaa huu.N ki ab aa.Nkh me.n aa.Nsuu bhii nahii.n

qaasaa-e-dard liye phiratii hai gulashan kii havaa
mere daaman me.n tere pyaar kii Kushbuu bhii nahii.n

%[qaasaa = begging bowl]

chhin gayaa merii nigaaho.n se bhii ehasaas-e-jamaal
terii tasviir me.n pahalaa saa vo jaduu bhii nahii.n

%[ehasaas-e-jamaal = feeling of beauty]

mauj dar mauj tere Gam kii shafaq khilatii hai
mujhe is sil-silaa-e-ra.ng pe qaabuu bhii nahii.n

%[shafaq = rainbow; qaabuu = control]

dil vo kam-baKt ki dha.Dhake hii chalaa jaataa hai
ye alag baat ki tuu ziinat-e-pahaluu bhii nahii.n

%[kam-baKt = unlucky/unfortunate]

ye ajab rahaguzar hai ki chaTTaane.n to bahut
aur sahaare ko terii yaad ke baajuu bhii nahii.n

#endindian
\endsong