\startsong
\stitle{gaye dino.n kaa suraaG lekar kidhar se aayaa kidhar gayaa vo}
 
\singers{Nasir Kazmi #12}
\printtitle
#indian

gaye dino.n kaa suraaG lekar kidhar se aayaa kidhar gayaa vo
ajiib manuus ajanabii thaa mujhe to hairaan kar gayaa vo

Kushii kii rut ho ke Gam kaa mausum nazar use Dhuu.NDhatii hai har dam
vo buu-e-gul thaa ke naGmaa-e jaan mere to dil me.n utar gayaa vo

vo maikade ko jagaanevaalaa wo raat kii nii.nd u.Daanevaalaa
na jaane kyaa us ke jii me.n aaii ki shaam hote hii ghar gayaa vo

kuchh ab sambhalane lagii hai jaa.N bhi badal chalaa ra.ng aasmaa.N bhii
jo raat bhaarii thii Tal gaii hai jo din ka.Daa thaa guzar gayaa vo

shikastaa paa raah me.n kha.Daa huu.N gae dino.n ko bulaa rahaa huu.N
jo kaafilaa meraa ham-safar thaa misal-e-gard-e-safar gayaa vo

bas ek ma.nzil hai bul-havas kii hazaar raste hai.n ahal-e-dil ke
ye hii to hai farq mujh me.n us me.n guzar gayaa mai.n Thahar gayaa vo

vo jis ke shaane pe haath rakh kar safar kiyaa tuune ma.nzilo.n kaa
terii galii se na jaane kyuu.N aaj sar jhukaaye guzar gayaa vo

vo hijr ki raat kaa sitaara vo ham-nafas ham-suKan hamaaraa
sadaa rahe us kaa naam pyaaraa sunaa hai kal raat mar gayaa vo

bas ek motii sii chhab dikhaakar bas ek miTThii sii dhun sunaa kar
sitaaraa-e-shaam ban ke aayaa bara.ng-e-Kayaal-e-sahar gayaa vo

na ab vo yaado.n kaa cha.Dhataa dariyaa na fursato.n kii udaas barkhaa
yuu.N hii zaraa sii qasak hai dil me.n jo zaKm gaharaa thaa bhar gayaa vo

vo raat kaa be-navaa musaafir vo teraa shaair vo teraa "Nasir"
terii galii tak to ham ne dekhaa phir na jaane kidhar gayaa vo

#endindian
\endsong