\startsong
\stitle{giriftaa-dil hai.n bahut aaj tere diivaane}
\singers{Nasir Kazmi}
\printtitle
#indian

giriftaa-dil hai.n bahut aaj tere diivaane
Kudaa kare ko_ii tere sivaa na pahachaane

miTii miTii sii ummiide.n thake thake se Kayaal
bujhe bujhe se nigaaho.n me.n Gam ke afasaane

hazaar shukr ke ham ne zubaa.N se kuchh na kahaa
ye aur baat ke puuchhaa na ahal-e-duniyaa ne

baqadr-e-tashnaa-labii pursish-e-vafaa na hu_ii
chhalak ke rah gaye terii nazar ke paimaane

Kayaal aa gayaa maayuus rahaguzaaro.n kaa
palaT ke aa gaye ma.nzil se tere diivaane

kahaa.N hai tuu ke tere i.ntazaar me.n ai dost
tamaam raat sulagate rahe dil ke viiraane

ummiid-e-pursish-e-gamkis se kiijiye ‘Nasir’
jo mere dil pe guzaratii hai ko_ii kyaa jaane

#endindian
\endsong