\startsong
\stitle{wo to Khushbuu hai, hawaao.n me.n bikhar jaaegaa}
\lyrics{Parveen Shakir}
\singers{Parveen Shakir}
% Contributed By: Umang Bali
\printtitle
#indian

wo to Kushbuu hai, hawaao.n me.n bikhar jaaegaa
masalaa phuul ka hai, phuul kidhar jaaegaa

ham to samjhe the ke ek zaKm hai, bhar jaaegaa
kyaa Kabar thii ke rag-e-jaa.N me.n utar jaaegaa

wo hawaao.n kii tarah Kaanaa-bajaa.N phirataa hai
ek jho.nkaa hai jo aaegaa, guzar jaaegaa

wo jab aaegaa to phir us kii rafaaqat ke liye
mausam-e-gul mere aa.Ngan me.n Thahar jaaegaa

aaKirash wo bhii kahii.n ret pe baiThii hogii
teraa ye pyaar bhii dariyaa hai utar jaaegaa

#endindian
\endsong