\startsong
\stitle{Khalish  ajiib tarz-e-mulaaqaat ab ke bar rahii}
\lyrics{Parveen Shakir}
\singers{Parveen Shakir}
% Contributed By: Umang Bali
\printtitle
#indian

ajiib tarz-e-mulaaqaat ab ke bar rahii
tumhii.n the badale hue yaa merii nigaahe.n thii.n
tumhaarii nazaro.n se lagataa thaa jaise merii bajaaye
tumhaare ghar me.n koii aur shaKs aayaa hai
tumhaare auhade kii dene.n tumhen mubaarak
so tum ne meraa swaagat usii tarah se kiyaa
jo afasaraaN-e-hukuumat ke aetaqaad me.n hai
takallufan mere nazadiik aa ke baiTh gae
phir ehatamaam se mausam kaa zikr chh.D diyaa
kuchh us ke baad siyaasat kii baat bhii nikalii
adab par bhii koii do chaar tabasare faramaae
magar na tum ne hameshaa kii tarah ye puuchhaa
kyaa waqt kaisaa guzarataa hai teraa, jaan-e-hayaat
pahaa.D din kii aziiyat me.n kitanii shiddat hai
ujaa.D raat kii tanhaaii kyaa qayaamat hai
shabo.n kii sust ravii kaa tujhe bhii shikawaa hai
Gam-e-firaaq ke qisse, nishaat-e-wasl kaa zikr
rawaayatun hii sahii, koii baat to karate

#endindian
\endsong