\startsong
\stitle{terii Khushbuu kaa pataa karatii hai}
\lyrics{Parveen Shakir}
\singers{Parveen Shakir}
% Contributed by: Umang Bali
\printtitle
#indian

terii Kushbuu kaa pataa karatii hai
mujh pe ehasaan hawaa karatii hai

shab kii tanhaaii me.n ab to aksar
guftaguu tujh se rahaa karatii hai

dil ko us raah pe chalanaa hii nahii.n
jo mujhe tujh se judaa karatii hai

zi.ndagii merii thii lekin ab to
tere kahane me.n rahaa karatii hai

us ne dekhaa hii nahii.n warnaa ye aa.Nkh
dil kaa ehawaal kahaa karatii hai

be-niyaaz-e-kaaf-e-dariyaa a.ngusht
ret par naam likhaa karatii hai

shaam pa.Date hii kisii shaKs kii yaad
kuuchaa-e-jaa.N me.n sadaa karatii hai

mujh se bhii us kaa hai waisaa hii suluuk
haal jo teraa ana???  karatii hai

dukh huaa karataa hai kuchh aur bayaa.N
baat kuchh aur huaa karatii hai

abr barase to inaayat us kii
shaaK to sirf duaa karatii hai

masalaa jab bhii uThaa chiraago.n kaa
faisalaa sirf hawaa karatii hai

#endindian
\endsong