\startsong
\stitle{rukane kaa samay  guzar gayaa hai}
\lyrics{Parveen Shakir}
\singers{Parveen Shakir}
\printtitle
#indian

rukane kaa samay  guzar gayaa hai
jaanaa teraa ab Thahar gayaa hai

ruKasat kii gha.Dii kha.Dii hai sar par
dil koii do-niim kar gayaa hai

maatam kii fazaa hai shahar-e-dil me.n
mujh me.n koii shakhs mar gayaa hai

bujhane ko hai phir se chashm-e-nargis
phir Kwaab-e-sabaa bikhar gayaa hai

bas ik nigaah kii thii us ne
saaraa cheharaa nikhar gayaa hai

#endindian
\endsong