\startsong
\stitle{hamaare daramiyaa.N aisaa koii rishtaa nahii.n thaa}
\lyrics{Parveen Shakir}
\singers{Parveen Shakir}
\printtitle
#indian

hamaare daramiyaa.N aisaa koii rishtaa nahii.n thaa
tere shaano.n pe koii chhat nahii.n thii
mere zimme koii aa.Ngan nahii.n thaa
koii waadaa terii za.njiir-e-paa banane nahii.n payaa
kisii iqaraar ne merii kalaaii ko nahii.n thaamaa
hawaa-e-dasht kii maani.nd
tuu aazaad thaa
raaste terii marzii ke tabe the
mujhe bhii apanii tanhaaii pe
dekhaa jaaye to
puuraa tassaruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se be-wafaaii kii!

#endindian
\endsong