\startsong
\stitle{kabhii to khul ke baras abr-e-maharabaa.N kii tarah}
\singers{Prem Warbartoni #2}
% Additions by Fayaz Razvi
\printtitle
#indian

kabhii to khul ke baras abr-e-maharabaa.N kii tarah
meraa vajuud hai jalate hue makaa.N kii tarah

bharii bahaar kaa siinaa hai zaKm zaKm magar
sabaa ne gaaye hai.n lorii shafiiq man kii tarah

vo kaun thaa jo barahanaa badan chaTTaano.n se
lipaT gayaa thaa kabhii bahr-e-bekaraa.N kii tarah

sakuut-e-dil to jaziiraa hai barf kaa lekin
teraa Kuluus hai suuraj ke saayebaa.N kii tarah

mai.n ik Kvaab sahii aap kii amaanat huu.N
mujhe sambhaal ke rakhiyegaa jism-o-jaa.N kii tarah

kabhii to soch ke vo shaKs kis qadar thaa bula.nd
jo bichh gayaa tere qadmo.n me.n aasmaa.N kii tarah

bulaa rahaa hai mujhe phir kisii badan kaa basa.nt
guzar na jaae ye rut bhii kahii.n Kizaa.N kii tarah

lahuu hai nisf sadii kaa jis ke aabagiine me.n
na dekh "Prem" use chashm-e-arGavaa.N kii tarah

#endindian
\endsong