\startsong
\stitle{vo har maqaam se pahale vo har maqaam ke baad}
\lyrics{Qabil Ajmeri}
\singers{Qabil Ajmeri}
% Contributed by Fayaz Razvi
\printtitle
#indian

vo har maqaam se pahale vo har maqaam ke baad
sahar thii shaam se pahale sahar hai shaam ke baad

har inqalaab-e-mubaarak har inqalaab-e-azaab
shikast-e-jaam se pahale shikast-e-jaam ke baad

mujhape itanii tavajju mujhase itanaa gurez
mere salaam se pahale mere salaam ke baad

charaaG-e-bazm-e-sitam haii.n hamaaraa haal na puuchh
jale the shaam se pahale bujhe hai.n shaam ke baad

ye raat kuchh bhii nahii.n thii ye raat sab kuchh hai
taluu-e-jaam se pahale taluu-e-jaam ke baad

vahii zubaa.N vahii baate.n magar hai kitanaa farq
tumhaare naam se pahale tumhaare naam ke baad

hayaat giriyaa-e-shabanam hayaat raqs-e-sharar
tere payaam se pahale tere payaam ke baad

ye tarz-e-fiqr ye ra.ng-e-suKan kahaa.N "Qabil"
tere kalaam se pahale tere kalaam ke baad

#endindian
\endsong