\startsong
\stitle{aashiyaa.N jal gayaa gulasitaa.N luT gayaa ham qafas se nikal kar kidhar jaae.nge}
\singers{Raaz Ilahabadi}
\printtitle
#indian

aashiyaa.N jal gayaa gulasitaa.N luT gayaa ham qafas se nikal kar kidhar jaae.nge
itane maanuus sayyaad se ho gae ab rihaaii milegii to mar jaae.nge

aur kuchh din ye dastuur-e-maiKaanaa hai tashnaakaamii ke ye din guzar jaae.nge
mere saaqii ko nazare.n uThaane to do jitane Kaalii hai.n sab jaam bhar jaae.nge

ae nasiim-e-sahar tujhako unakii kasam unase jaakar na kahanaa meraa haal-e-Gam
apane miTane kaa Gam to nahii.n hai magar Dar ye hai unake gesuu bikhar jaae.nge

ashk-e-Gam leke aaKir kahaa.N jaae.n ham aa.Nsuuo.n kii yahaa.N koii kiimat nahii.n
aap hii apanaa daaman ba.Daa diijiiye varanaa motii zamii.n par bikhar jaae.nge

kaale kaale vo gesuu shikan dar-shikan vo tabassum kaa aalam chaman dar-chaman
khe.nch lii unakii tasviir dil ne mere ab vo daaman bachaa kar kidhar jaae.nge

#endindian
\endsong